طبعا ذكريات لاتنسي
لـسة فاكرة كل حاجة من أول ما أتحركنا من البيت ونازلين خلاص
أبتديت أحس حاجات غريبة أحاسيس مش مفهومة أبتديت أقول لـمـحـمـد
أنا فرحانة ومخضوضة ومقبوضة ومش عارفة الموضوع كله علي بعضه هيبقي عامل أزاي
يعني أيه عمرة؟
بشوف وبسمع عنها بس عمري ما جربت؟
قالي خليها علي الله ومتفكريش سيبي نفسك لربنا وعيشي كل لحظة من غير ما تفكري
وفعلا سـافـرنا وأول ما وصلنا المدينة المنورة
وجهزنا عشان نصلي المغرب في الحرم النبوي نزلت وأنا برضوا مش متخيلة الموقف
عادي راحة أصلي المغرب مع بابا وماما وأخواتي
ووصلنا الحرم وقفت من جمال المنظر وروعــته حسيت أني عاجزة عن أني حتي أتكلم
وصليت ويمكن تكون أول مرة أعرف يعني أيه خشوع في الصلاة بجد
يعني تحسي أنك واقفة بين أيد ربنا
يعني أيه ندم علي كل لحظة فاتت من غير ما أسجد فيها لله ولا أركع؟
عارفة يانور الصلاة هنا بألف صلاة قولتله يعني لو صليت كتير ممكن ربنا يتقبل مني الفروض اللي فاتتني قبل كده
قالي طبعا بس أنتي أخلصي النية لله وبصراحة علمني حاجات كتير
وكنت أول مرة أصلي صلاة الجنازة وأعرف فضلها وبرضه مـحمـد اللي علمني أزاي أصليها
وروحنا المزارات
وزورنا مـسـجد أحـد وجـبل وشـهـداء أحـد
ومـسجد قبـاء ومـسـجـد ذات القبلتين
وروحنا الروضة عند الحبيب المصطفي
رسـول الله صلي الله عليه وسلم
وهنا بقي وكنت طبعا أول مرة أشوف فيها قبر الرسول أصلي عنده وأبكي
وأدعي دعيت كتييير بس بقلبي ماكنتش
قادرة أنطق بكلمة كنت حاسة أني ولا حاجة وعمري كله عدي في حاجات مش عارفة أيه هي ولا أيه قيمتها
أيه في الدنيا ممكن يكون أهم من ده ولا أجمل من المكان ده
ياااااااااااااااااه علي أيام مرت نفسي بس ترجع يمكن أعرف أعوض جزء بسيط
وأتحركنا من المدينة وروحنا مـكـة الـمـكـرمـة
وشوفت بعيني ولآول مرة الكعبة الـشـريفة
مــافيش وصف ولا كلام ممكن يتقال أنا نفسي أترجم أحساسي لحظتها
وعملنا العمرة وطوفنا السبع أشواط
ودعيت وبكيت وأتمنيت أفضل هناك وأن ربنا يثبتني علي طاعته
وتأدية فروضه وسنته
وسعينا في الصفا والمروة وشربنا ماء زمزم
وخلصنا العمرة ورجعنا
أستمتعت بكل حـاجة ومفتكرش أني كنت محتاجة أكتر من كده عشان أكون مبسوطة
معايا أختي وعصام وعهد اللي كنت بقالي كتير مشفتهمش ولا قعدت معاهم
واللي كان ليهم دور كبير في أن الرحلة تبقي بالجمال ده وطبعا لآنهم مقيمين هناك
شوفت ناس كتيرة بأشكال كتيرة وجنسيات مختلفة أجتمعوا من كل بقاع الآرض
ليسجدوا لله وحده
مافيش أجمل من أحساس الآنسان ووجوده في مكان كل حاجة فيه بتسبح وبتسجد لله وحده
عرفت هناك أد أيه الانسان ضعيف والدنيا وخداه بعيد
وبعيد أوي
ورجعت وكـل حاجة جوايا مختلفة
عايزة أتغير وعايزة ألتفت لربنا أكتر عايزة أفضل حاسة بالخشوع والايمان اللي ماليين قلبي دلوقتي ومسبش نفسي للدنيا ومشاغلها تاااني
تبعدني عن ربنا ويضيع الآحـسـاس الجميل اللي أنا حسـاه
يمكن يكون ده أطول بوست أنا كتبته
بس والله ده أصدق بوست أنا كتبته
يااااااااااارب يتـقبل مني دعواتي لـكل من أمني بالدعاء
وأدعولي أنتم بقي ربنا يثبتني
عشان الـعمـر قصير أوي
ولآني عارفة أن من مــات علي شئ بعث عليه
فبدعي يااااااارب أموت وأنا ساجدة ليك أن
تـحـسـن خـاتـمـتـي |
نورهان
أقسم لكي بالله اني قد تذكرت لحظه لحظه
من سطورك وكدت ابكي
بجد يا نور ربنا ده كريم اوي اوي
بعد كل الغفله والذنوب والمعاصي وبعد كل الغفله دي يكرمنا بالرحله دي ويعاملنا بالحسني
مفيس بعد كده حب واحنا لازم نعرف ان ربنا بيحبنا قوي
ويقول للملائكه
لو خلقتموهم لرحمتموهم
الدنيا صغيره ولازم نأخد منها ما ينفعنا
بجد يا نورهان من اروع ما قرأت لكي في حياتي كلها
ربنا يثبتك يا نورا واعلمي أن عينك اللي شافت الكعبه لازم تبص علي الحلال بس
وأيدك اللي لمست الكعبه لازم تمسك الحلال بس
ولسان اللي قريتي بيه القرأن لازم يتكلم في الحلال بس
وعيب لما تقولي علمني