Wednesday, June 6, 2007
وحـشـتـــوني
ياااااه وحشني الكمبيوتر والنت والتدوين
طبعا في الاول لازم أقول لنفسي حمدالله ع السلامة من رحلة أمتحانات طويلة
أوي شهر من التوتر والقلق بس الحمدلله عدت علي خير
وحشتوني كتير موت
وبسلم علي كل البلوجرية وبجد مضايقة عشان فاتتني حاجات حلوة كتير
ومواضيع جامدة كنت أحب أعلق عليها
أنا كنت متراهنةمع نفسي أني مش هقدر أقعد شهر كامل من غيرما أكتب ولا أعمل حاجة
بس أنا كسبت الرهان وقدرت أقعد بس راجعة بقي وعندي كلام كتير
ومواضيع كده يارب تعجبكوا ونقدر نتناقش فيها ونوصل لحاجة
وطبعا اللي يقعد شهر متابع الدنيا واللي بيحصل فيها من أول ما بينزل من بيته لحد ما بيرجع
مش هيطلع بمواضيع وبس
لالالالالا
ده كل خمس دقايق هيكتب عن حاجات كتير مستفزة
وأنا بقي مش هقولكم في مليون حاجة خنقاني
المهم وقبل أي كلام خلوني أقدم بعض التهاني كده ع الماشي أنا عارفة أنها متأخرة بس والله
غصب عني الامتحانات بقي ودربكتها ربنا مايحكم علي حد بيها أبدا
ألف مبروك لـهيـمـا علي البلوج ونورت عالم التدوين كله
ابراهيم ياجماعة حد دماغه عالية أوي ومع نفسه كده طول الوقت وأهلاوي صميم
تشهد علينا الجامعة وحوارتنا طول الوقت عن الكورة
مبروك ياهيما ومستنين مواضيع جامدة
كل سنة وأنتي طيبة يا أحلي عهـد في الدنيا
وعقبال مليون سنة ويارب أشوفك عروسة زي القمر
شوفه بقي كنت هنسي أقول لعبدالله باشا ألف مبروك علي الحضانة ويارب عقبال الجامعة
متعرفوش لو كنت نسيت كان هيعمل فيا أيه
بلاش بقي أشرد لنفسي ربنا حليم ستار
وطبعا مبرووووووووك
لكل اللآهلاوية علي الدوري وعقبال الكاس وباقي البطولات
posted by نورهان مفيد @ 12:08 PM  
15 Comments:
  • At June 6, 2007 at 3:46 PM, Anonymous neno said…

    مبسوطة أوي أني أول واحدة أعلق ع البوست دة وحمدلله ع السلامة من الأمتحانات وعقبالي يارب عن قريب أجازة سعيدة مثمرة بالبوستات الجامدة
    نونا

     
  • At June 6, 2007 at 4:06 PM, Anonymous عبد الله said…

    والله يا عتو لحقتي نفسك
    كنت هوريكي هعمل فيكي ايه لو مش قولتي علي الحضانه
    مبروك لانك خلصتي الامتحانات وجهزي نفسك بقي علشان اجي اقعد معاكي يومين ونسهر للفجر وازوغ من الحضانه

     
  • At June 6, 2007 at 5:08 PM, Anonymous ام عهد said…

    حمدله على السلامه ياحبيبت قلبى ياااااااااااااااه ايه الغيبه الطويله دى وحشتينا موووووووووت ويارب كده تكون الامتحانات عدت على خير بجد مش كده وكده يارب بالنجاح والتوفيق وبعدين عاوزينك تعوضى الغياب الطويل ده

     
  • At June 6, 2007 at 5:11 PM, Anonymous عصام على said…

    ياااااااااااااااه الف حمدله على سلامتك ياحبيبى كل دة غياب دة النت كله كان مضلم من مصر للسعوديه وحشتينا مووووووووووووت ويارب بالنجاح ياقمر
    عاوزينك تمارسى هوايتك وتصدعينا

     
  • At June 6, 2007 at 5:13 PM, Anonymous عهودى said…

    يارب يخليكى لي ياخالتو ياروحى انتى اول واحده قولتيهالى حتى قبل ماما وبابا ربنا مايحرمنى منك وكويس انك مش نسيتى بودى والا كان هيخليكى قرعها
    انا بعتالك بوس كتيييييييييييييييير اوى انتى وجدو وتيته

     
  • At June 7, 2007 at 3:41 AM, Blogger أبو أمل said…

    حمدالله ع السلامة وربنا يوفقك
    عقبال الشربات
    بتاع النجاح

     
  • At June 7, 2007 at 4:52 AM, Blogger ابراهيم عز الدين said…

    حمدله علي السلامة ودلوقتي مفيش اي حاجة تمنعك عن الكتابة وعايزني مواضيع جامدة
    والله يبارك فيكي يانور وانتي علي فكرة ليكي الفضل الاول في دخولي هذا العالم

     
  • At June 7, 2007 at 12:02 PM, Blogger نورهان مفيد said…

    neno
    وانا مبسوطة أكتر ياحبيبة قلبي
    أنك اول تعليق ودايما الاول ياقلبي
    وهانت يانهلة خلاص كلها مادةوتبقي في السليم
    وحشتيني مووووووت

     
  • At June 7, 2007 at 2:54 PM, Blogger عمرو غريب said…

    حمدالله علي السلامة ومنتظرين الكثير و الكثير من البوستات الرائعة

     
  • At June 7, 2007 at 4:10 PM, Blogger ضـوء الـقـمر said…

    ياه يا نور بجد وحشتينا اوي ووحشتنا كتاباتك بلوجر كان مضلم من غيرك يا جميلة حمدلله على السلامة وادعيلي انا كمان فاضلي امتحان واحد يوم الاحد الجاي هانت خلاص ممكن احقد عليكي لو سمحتي ده بعد اذنك يعني :P
    بس بجد بجد بقى وحشتينا :)

     
  • At June 10, 2007 at 9:15 AM, Blogger نورهان مفيد said…

    عبدالله
    الحمدلله اني افتكرت من غير ماتزق كده
    يلا تعالي بقي عشان نسهر ونقضيها للصبح



    عهد
    ربنا يخليكي ياقلبي
    لازم افتكر حد ينسي عيد ميلاد بنته
    برضه وحشتيني مووووت

     
  • At June 10, 2007 at 9:16 AM, Blogger نورهان مفيد said…

    ام عهد
    وابوعهد

    النت منور بيكم انتم
    وحشتوني اوي

     
  • At June 10, 2007 at 9:16 AM, Blogger نورهان مفيد said…

    ابراهيم عز الدين

    ماتقولش كده ياهيما الفضل لربنا قبل اي حاجة

     
  • At June 10, 2007 at 9:18 AM, Blogger نورهان مفيد said…

    ابو امل
    الله يسلمك ونورتني
    دي تقريبا اول مرة تزورني فيها
    ويارب مش الاخيرة نورتني


    عمرو غريب
    الله يسلمك
    وشكراااا

     
  • At June 10, 2007 at 9:19 AM, Blogger نورهان مفيد said…

    ضوء القمر

    انتي اللي وحشتيني اكتر
    والنت كله وحشني بجد
    ربنا معاكي ياجميلة هانت
    ربنا معاكي ان شاء الله

     
Post a Comment
<< Home
 
About Me
Name: نورهان مفيد
Home: cairo, Egypt
About Me:
See my complete profile
عبد الله & عهد
    دعوه فرحهم
ناس جامده جدا
اللي شرفوني
قول اللي في نفسك

نادي القرن
    نادي القرن

بصيص حديث
بصيص قديم
Template by

محمد مفيد