| |
| Tuesday, May 1, 2007 |
| فضفضـة |
الوقت ده من كل تيرم بيكون ليه شكل مختلف
دلوقتي فاضل اقل من أسبوعين علي امتحاني ومن يوم مادخلت الكلية وكل وقت في السنة ليه شكل مختلف
وبرغم من أن الشهر اللي بيبقي قبل الامتحانات ده بيكون قلق وتوتر عشان الامتحانات ومش بس كده انا كمان بنام كتير جدا والله بيبقي غصب عني بحس فجأة اني هيست وعايزة أنام وبيبقي نوم هروب بس هعمل أيه لما بتطلب نوم بيبقي خلاص ولا شاي بقي ولا قهوة ولا مشاريب الدنيا تفوقني
بس الشهر ده بيكون حاجةتانية خالص بيبقي جد أوي خلاص الجروب كله بيحس ان مافيش وقت للهزارولازم نذاكر
ومن هنا بنبتدي نتفق أننا نسهر مش مهم نذاكر أيه كل واحد مننا يذاكر اللي عايز يذاكره
المهم أننا نكون سهرانين وبنشجع بعض
وبيبقي جمال الفترة دي في كده كلنا بنذاكر كلنا عندنا هدف وعايزين ننجح
ويمكن لأني طول الوقت لوحدي وده طبعا لأني أخرالعنقود بقي وأخواتي كلهم أتجوزوا
فتلاقوني بميل لأي حاجة فيها ناس كتير
يعني مثلا مش مهم أخرج فين المهم يكون معاياأصحابي يكون معايا جروب وناس كتير
أحب أروح رحلات و أشترك في كورسات المهم أكون وسط ناس
فالوقت ده كلنا بنكون سوا مع بعض حتي أصحابي اللي مش في نفس الكلية
بنتفق ونسهر ونرن لبعض ع الموبيلات
وطبعا مش بقينا بننزل الجامعة كتير ولما بننزل بيبقي معظم كلامنا برضه عن المذاكرة والمحاضرات والملغي والمقرر
جو كده جميل مختلف
وأنا بطبعي بميل لكل حاجة مختلفةعن الروتين المعتادكل يوم والجو ده
مش بيحصل غير كل تيرم ويمكن تكون لمتنا دي هي اللي بتقلل من التوتر لاننا بنطمن بعض وبنكون كلنا يد واحدة
بجد أنا مش عارفة من غير الجروب بتاعي ده كان ممكن يحصل أيه
من أجمل الحاجات اللي في الدنيا يكون في أصحاب بجد
في زمن بقت الكلمة دي فيه قليلة أوي
يارب بس يحققوا كل اللي نفسهم فيه ونفضل مع بعض علي طول
كفاية بقي أقوم أذاكر
أنا قولت أريح شوية وأشوف أخبار البلوج
وطبعا ماينفعش أدخل ألا أما أكتب
رغاية بقي تقولوا أيه؟ |
posted by نورهان مفيد @ 10:45 PM  |
|
| 32 Comments: |
-
shedy 7elak :)
wezakry ba2a :)
ana mabsoot 2eny geat el bog beta3ek .
-
الا الرغي وهو هتقوليلي عليه
انا عارفك
بس فضفضه جميله
واقعدي ذاكري شويه ربنا يسامحك
-
dr_lazeez
وأنامبسوطة أكتر أنك نورتني ع البلوج بتاعي وأدينا بنذاكر ربنا يسهل
#################################
أستاذي العظيم محمد مفيد
طيب والنبي لما بتروح شقتك مش بيوحشك الرغي بتاعي ولا أيه
-
انتي وجعي دماغي كمان علي البلوج روحي ذاكري احسن
-
السلام عليكم ياروح قلبى ولاهى على عينى بعدى عنك فى الفتره دى انتى عارفه انا كنت على طول فى الفتره دى باكون جنبك انا وعهد
وبسهر معاكى ولكن السنه دى انا حاسه ان فى حاجه غريبه يمكن عشان مانزلتش خالص ربنا معاكى ويعينك ياقلبى وتنجحى كده يلرب وتفرحى ماما وبابا
وحشتيييييييييينى مووووووووت
شيدى حيلك ياعمرى
ام عهد
-
ايه الفضفضه الجميله دى ياحبيبى ربنا يقويكى وتعرفى تلمى المنهج والنوم يسيبك فى حالك شويه ياااااااااخم
ربنا معاكى ياحبيبى وحشتينى اوى وبعدين انتى ترغى براحتك على الاخر
ابوعهد
-
ازيك يا ماما ان انا زعلانه اوى انى مش معاكى زى كل امتحانات انا زهقت اوى وعاوزة انزلك بقه اصلك وحشتينى انتى وجدو وتيته مووووووووووت
-
ربنا معاكي يانور و مع كل اصحابي ويارب السنة دي تفوت علي خير وشدي حيالك يانور وقعدي ذاكري شوية
-
انا كمان عندى موضوع النوم دا كل الامتحان ميقرب
كنت فاكر نفسى لوحدى كدا
عامة خير
ربنا يوفقك ويوفق الجميع يا رب
تحياتى
-
لما بروح الشقه بترحم منك
بس بتوحشيني بجد
بس لما اقابلك وانتي صاحيه اساسا
لانك علي طول نايمه يا حبيبتي
:)
-
رربنا يوفقك ان شاء الله
وهي اوقات وهتنتهي وبكره تفتكريها وتبقا ذكري جميلة وعدت
تحياتي ليكي ودعواتي ليكي بالنجاح
-
alaa mostafa
انت تغيب تغيب وترجع ترخم ع العموم نورت وابقي افتكرني كده ونورني شوية ده انت مش بتقوم من ع الكمبيوتر
-
ام عهد
أنا عارفة والله انه غصب عنك ربنا يقرب البعيد وتنزلوا بقي
نهائي مش اجازة وخلاص
وادعيلي كتيييييييير انا واصحابي مش انا بس
##################################
ابو عهد
ربنا يخليك يارافع معنوياتي علي طول
والله وحشتوني ووحشني سهرنا طول الليل كل يوم
وادعيلي بقي النوم يسبني انت عارف دي مشكلة لوحدها
#################################عهودي حبيبه قلبي
كده تسيبي خالتو في الامتحانات لوحدها وحشتيني انزلي بقي
وتيتا وجدو بيبسوكي كتييييييير
-
هيما
يارب يسمع منك ما احنا في الهم سوا
بس انت شد حيلك فاضل يومين علي امتحانك معلش انتم السابقون بقي
-
free.pharaoh
طمنتني والله يعني أنا كده طبيعية وفي
كتير عندهم نفس الموضوع طيب الحمدلله
ربنا يوفقك انت كمان في امتحاناتك وشكرا انك نورتني ويارب علي طول تنورني
################################
أستاذي محمد مفيد
شكرا علي التشريد الجامد موت
ما قولتلك اللي فيها بيبقي نوم هروب بس بيبقي لا وعي والله
وتعالي بقي عشان وحشتوني
################################
ahmed taher
ربنا يخليك ويارب عقبال ما عمر كده يجننك في المذاكرة ويبقي بينام كتير وتشوفه كده يارب في الجامعة
-
اااااااااااه شهر الامتحانات ده انا بكرهه بس ربنا يعدينا منه على خير
اما موضوع النوم ده ههههههههه طلعت ظاهره متفشيه فى الجيل ده ههههههه
ربنا معاكى يا نور ومعانا كلنا
-
انتى عامله زيي برضه..انا برضه الوحيد اللى ف فضل ف ارابيز والديا الاعزاء...الوقت دا احسن وقت...يا سلام ع السهر ويا اغانى حليم وعمرو دياب وانا بذاكر ونسمة الصيف بالليل روعه..وكل شويه كوباية شاى ولا قهوه..وطبعا معايا واحد صاحبى او اكتر بيذاكروا وكل شويه نقول مفيش فايده ياجدعان مش ح ننجح...هههههه
بصراحه انتى ما سبتيش حاجه بنحسها ف الوقت دا وماقولتيش عليهاالسهر والرن ع الموبايلات والكورسات...بوست قوى جدا
ربنا يوفقنا كلنا ف الامتحانات
-
ربنا يوفقك يارب
وبكره تفتكري الايام دي وتقولي والله كانت احلي ايام
علي الاقل الواحد بيبقي عارف هو بيعمل ايه
ربنا يوفقك وينجحك
تحياتي
-
دودي الجميلة
بتتأخري عليا كتير بس ولا يهمك
ده انت اتاكدت دلوقتي انها ظاهرة عند الكل ربنا يوفقنا جميعا
###############################
مداح القمر
الحمدلله اني قدرت أعبر بس يمكن عشان بتكلم بصدق بفضفض يعني والكلام الصدق بيخرج من القلب للقلب علي طول
نورتني وربنا معاك ومعانا كلنا
-
gohayna
ربنا يخليكي وادعيلنا كده كتير
تعدي علي خير ويكرمنا
انا وكل اللي بيمتحنوا
-
فضفه جميله
جدا
و مدونة جميلة جدا
-
ضروري تفضفضي من وقت لوقت و تريحي ذهنك شوي
بتمنالك التوفيق و النجاح
-
-
ربنا يوفقك ويكرمك
وان شاء الله امتياز
تحياتى
-
معلش يا نورا سامحينى انى بتاخر بس انتى عارفه بقى الامتحانات قربت والدنيا مربوكه
-
واضح ان موضوع النوم ده ظاهره واضحه جداااااااااا لكل اللي عندهم امتحانات
ههههههههههههههههههههههه
تصدقي يانور انا كمان كده
فاضل 21 يوم على امتحاناتي وكل ما انوي اذاكر واقول هافوق شويه الاقي نفسي نمت على الكتاب
ههههههههههه
من كتر السهر والتعب والمذاكرة هههههه
ال يعني بذاكر بجد مش لا سمح الله لا سمح الله يعني هاخد صورة جمب الكتاب ولا حاجه
شدي حيلك يانور وزاكري خلاص هانت والاجازة قربت تيجي بقه ونخلص
ربنا يوفقك يا جميل :)
-
ارغى يا نورهان ولا يهمك يا قمر امال تكلمى نفسك يعنى ... الاصحاب دول اجمل حاجه فى الدنيا ومن غيرهم مش عارفه ممكن الحياه يبقى شكلها ايه وبعد كام سنه هتتمنى الايام الحلوه دى ترجع تانى ربنا معاكى ومع كل الطلبه فى الامتحانات وروحى ذاكرى بقى :)))
تحياتى
-
خواطر شاب غاضب
نورتني وغاضب ليه بس الطيب أحسن
شكلاا ع الزيارة الجميلة دي
وده من بعض ماعندكم
أنا دخلت عندك كده ع السريع بس أول ما أخلص هقراها كلها
ده وعد
###############################
diala
أكيد مافيش أجمل من الفضفضة ودلوقتي بالتحديد
كل ثانية بتمر بحس أن الدنيا رخمة أوووووووووي
يارب نتمحن بقي ونخلص
-
sharm
شكراااااااااا
###########################
tamer nabil
أمتياااز
مرة واحدة ربنا يخليك ويسمع منك ربنا
############################
دودي الجميلة
ولا يهمك أنا عارفة والله الدربكة
ربنا معاكي ومعانا ياااارب
-
ضوء القمر
نقطة النوم دي هي اللي الكل علقلي عليها والحمدلله طلعت مش عندي لوحدي أصل ماما علي طول تقولي في الوقت ده انتي مش طبيعية
بس طلعت طبيعية
ولازم تشدي حيلك بقي ده خلاص مافيش وقت
ربنا معاكي ومعانا
-
سهر الليالي
يعني خلاص أرغي براحتي مش هتصدعي مني
تعليق رقيق أوي
وفعلا الحياة من غير أصحاب
صعبة جدا وممكن تكون متتعش أصلا
نورتيني
-
يانورهان انتى بجد بتفكرى صح وبتتكلمى صح بس يحيوا بالكلام ده انا حصلى اكتر من كدة واتحرمت من اغلى واجمل حب فى حياتى كلها ومن ساعتها مش عارف احب بجد وبصدق زى الحب الاولانى بكيت بدموع ليالى كتير وايام مش معدودة لكن مين يفهمنى والى زات وغطى حبيبتى كمان لما ضغطوا عليها فى البيت ولازم تتجوز واحد قريبها باختصار اتجوزتوا انا بتمنلها السعادة بس انا مش عار ف احب بجد تانى وكل ما احاول احس انوا مجرد اعجاب لكن مش حب حقيقى
|
| |
| << Home |
| |
|
|
|
| About Me |
Name: نورهان مفيد
Home: cairo, Egypt
About Me:
See my complete profile
|
| عبد الله & عهد |
|
|
| ناس جامده جدا |
|
|
| اللي شرفوني |
|
|
| قول اللي في نفسك |
|
|
| نادي القرن |
|
|
| بصيص حديث |
|
| بصيص قديم |
|
|
| Template by |
|
|
|
shedy 7elak :)
wezakry ba2a :)
ana mabsoot 2eny geat el bog beta3ek .