Wednesday, June 27, 2007
لـعـلـهـا تـتـعـظ

نجت هيفاء وهبي من حادثة خطيرة وهي بتصور الكليب الجديد وكان المشهد عبارة عن مطاردة
بين عربية مكشوفة تركبها هيفاء وبين طائرة مروحية

فقد الطيار السيطرة عليها فتصادمت الطيارة بالعربية فأتكسر
الزجاج الآمامي للعربية وأصيبت هيفاء بجرح في مؤخرة الرأس


وتم نقل هيفاء الي المستشفي لعلاج الجرح ولعمل الفحصوات اللازمة

وفي المستشفي صرحت هيفاء بشكرها لله بقولها

ألف شكر لربنا أنا نجيت بأعجوبة خاصا وأن الطيارة أنفجرت بعدها بثواني

ولولا فضل الله ورجال الجيش اللبناني

كنت موت أنا وفريق العمل بالكامل

ألف شكر لربنا


معرفش ليه أول ما سمعت وقريت الكلام ده ضحكت جامد أوي
وقولت لنفسي دلوقتي عرفتي ربنا وألف شكر لربنا
كان فين ربنا في كليباتك الساخنة وملابسك السافرة العاريةو المثيرة
دلوقتي بس عرفتي ربنا


ورجعت قولت لنفسي طبعا اللهم لا شماتة وكلنا معرضين لحوادث

يمكن يكون ده أنذار من ربنا لهيفاء بالموت

علها تتعظ وترجع عن الطريق اللي هي ماشية فيه

وتحديدا بعد ما صرح الطبيب المعالج لها بأصابتها بالجرح فوق شريان في الرأس في غاية الخطورة

ولولا ستر الله لكانت توفت هيفاء في لحظتها


أيوة مين عارف
ياما كان في ممثلات ومطربات زي هيفاء وأكثر
وربنا هداهم وأتحجبوا وأعتزلوا وألتزموا مش غريبة يعني


أنك لاتهدي من أحببت ولكن الله يهدي من يشاء

لعلها تتعظ

ولعلنا نتعظ جميعا
posted by نورهان مفيد @ 2:20 PM  
37 Comments:
  • At June 26, 2007 at 4:03 PM, Anonymous Anonymous said…

    اللهم لاشماتة كلنا دايما بندعي ربنا يحسن ختامنا ونموت موتة صالحة تخيلي دي لو كانت ماتت علي الوضع دة ربنا يهديها وترجع لربنا زي غيرهاوتتعظ بعد ما شافت الموت بعنيها هي والناس اللى معاها

     
  • At June 26, 2007 at 4:12 PM, Blogger هيما said…

    انا بجد مش عارف اقول ايه
    لان حرام الواحد يفرح في الموت او المرض
    بس دول حلال فيهم الموت لانهم ليهم تاثير علي المجتمع بالسلب مش بالايجاب
    وليه حق تشكر ربنا
    علشان منحها فرصة لتكفير عن ذنوبها
    وسيبكي من هيفا
    انتي عاملة ايه وايه اخبار الناس
    ولا داعي للقلق الامور تمام اوي بس كانت بفكر ازاي هقدر اكمل المشوار علي خير

     
  • At June 26, 2007 at 4:13 PM, Blogger DoOoOoOdY said…

    ربنا يهديها وياااااارب تتعظ وتبطل اللى هى بتعملوا ده

    وربنا يحسن ختامنا جميعا

     
  • At June 26, 2007 at 7:55 PM, Blogger عمرو غريب said…

    والله الواحد مش عارف يفرح فيها و لا يحزن الله مالا شماتة ربنا يهديها وتكون اخذت العبرة من تلك الحادثة

     
  • At June 26, 2007 at 11:21 PM, Anonymous Anonymous said…

    لاحظت اننا قاعدين نترصد الاخطاء لبعض ..كالعادة ...ماكلنا بنغلط يا جماعة ...بزمتكم مين ما بيغلطش ؟وكام واحد فينا اتاثر بموت او حادثة وقرر انه لازم يتوب وما تابش ؟كتيييييييير
    ربنا يهيدنا كلنا يارب ..والله اعلم باب التوبة مفتوح للكل ...خلينا بس فى نفسنا ..الله اعلم ربنا راضى عننا ولا لا
    ----------------------------------
    اول مرة ازور المدونة بعد زيارتك لمدونتنا ..اهلا بيكى وبجد مدونتك حلوة
    يارب تكررى الزيارة
    سلام عليكم

     
  • At June 26, 2007 at 11:56 PM, Blogger مـحـمـد مـفـيـد said…

    ههههههههههههههه

    خرجت علشان الواو مش يح
    والله الاعلان ده فاضي ومش لاقي شغلانه
    طبعا دي مش شماته ولا حاجه
    اعوذ بالله

    اعجبني تعليق عابره سبيل جدا
    ولكن لي ملاحظه
    اننا لم نتصيد الاخطاء لاحد ولكن انكي تصري علي الخطأ مع العلم انكي تعرفي انه خطأ وتتمادي فيه فتستحقي ان تنتقدي

     
  • At June 27, 2007 at 8:44 AM, Anonymous Anonymous said…

    قد يكون تنبيه من الله لها ,لكن بنتمني الشفاء لها, لا شماته في المصائب ,عفانا الله جميعا من كل سوء

     
  • At June 27, 2007 at 10:02 AM, Blogger ضـوء الـقـمر said…

    تعرفي يا نور انا اول ماقريت الخبر جه في بالي كده بردو
    ياريت الموقف ده يكون عظه ليها ويخليها تفكر ان ممكن الواحد يموت في لمح البصر دون اي مقدمات
    ده كان مجرد تحذير وانذار لعلها تتوب وتفكر شويه

     
  • At June 27, 2007 at 10:24 AM, Blogger Shreif fahmy said…

    عارفة أول تصريح قالته ايه بعد الحادثة وهي على سرير المستشفى
    انا هقوم واكمل تصوير الاغنية

    منتظر تعقيبك على الجزء الثالث والأخير من عفوا حبيبي متقدرش ومتعرفش

    http://sfahmy78.blogspot.com/2007/06/blog-post_27.html

     
  • At June 27, 2007 at 3:39 PM, Anonymous Anonymous said…

    طبعا انا عارفه انك في غايه السعاده دلوقتي لاني بعلق عندك
    انا عاجبني جدا تطورك في المواضيع ةلكن بجد كانت عندي ظروف بتمنعني

    ليه دايما نستني المصيبه لما تحصل وبعدين نقول يارب تتعظ ؟
    ليه ما نخدش من اللي قبلها عبره
    ربنا يهدي الجميع

    يا تري عرفتي انا مين

     
  • At June 28, 2007 at 4:19 AM, Blogger مـحـمـد مـفـيـد said…

    اعجبني جدا ذكرك للايه الكريمه الذي قالها الله عز وجل للرسول الحبيب
    انك لا تهدي من احببت ولكن الله يهدي من يشاء
    في تفسير تلك الايه هو ان الهدايه لابد ان تبدأ من العبد نفسه فهو الذي يشاء الهدايه الي الله عز وجل
    وهذا هو مفهوم الايه
    اذا لابد من ان نبدأ نحن اولا

    واشكرك بشده علي رأيك في البلوج وبأمر الله الحرب قادمه

     
  • At June 28, 2007 at 5:03 AM, Blogger mohand said…

    السلام عليكم
    ربنا يهديها يا رب
    هي من اسره شيعيه
    وعندها بنت في سن 20 سنه
    بس تقولي لمين بقي
    -----------------
    عابرة سبيل
    دايما في ناس تقول بصوا لنفسكم
    بصي يا اختي الكريمه
    هل يتساوي كل المعاصي وعقابها
    معتقدش يعني انك تساوي واحده كل يوم تقلع قدام الناس
    بواحده بتقول كلامات ايحائية
    بواحده بتكذب بس
    بواححد تارك الصلاة
    بواحد سارق
    صدقيني
    الامر بالمعروف والنهي عن المنكر مهم
    السلام عليكم

     
  • At June 28, 2007 at 9:52 AM, Blogger Unknown said…

    والله ممكن جدا ربنا يهديها

    مفيش حاجه بعديه علي ربنا

    وبعدين أصلا هيفاء شايفه انها مش بتعمل حاجه تسئ الي دينها الاسلامي

    والله هي قالت كده

     
  • At June 28, 2007 at 11:30 AM, Anonymous Anonymous said…

    طبعا مافيش كلام يتقال بعد ماذكرتى الايه الكريمه
    انك لاتهدى من تحب ولكن الله يهدى من يشاء
    يارب يشفى كل مريض ويارب الاخت هيفا تتعظ وتحاول تصلح من نفسها وتلجا لربنا وتعرف انه اداها انزار
    وربنا يهديها ويهدينا جميعا يارب

     
  • At June 28, 2007 at 11:32 AM, Anonymous Anonymous said…

    ازيك ياحبيبى وحشتينى خالص
    ربنا يشفى كل مريض ولكن دول مش بيتعظوا ولو فعلا اتعظت من اللى حصل ماكانتش صرحت انها هتقوم وتكمل الكليب
    ربنا يهديها ويهدينا جميعا

     
  • At June 28, 2007 at 1:49 PM, Blogger Ahmed taher said…

    ست نورهان مفيد
    هو انا اقدر ازعل منكوا ابدا
    بس والله مشغول موووت
    ادعي لاخوكي بجد
    عشان في خبر هبقا اقوله قريب عني
    واتمني من قلبي الهداية لنا جميعا
    اللهم امين
    تحياتي يا جميل

     
  • At June 29, 2007 at 8:21 AM, Blogger mohamed alhaddad said…

    يارب تتغير وربنا يهديها حتكون عظه لناس كتير أووووووووى

     
  • At June 29, 2007 at 2:42 PM, Blogger ومن الشباك said…

    السلام عليكم

    انا مش عارف ليه عمالين نقول لهيفا لعلها تتعظ او لعلها تتوب او لعلها تاكل وتشرب

    واحنا مالنا ومالها المفروض اننا نتعظ احنا لنفسنا الاول وبعد كدا نبص للناس....مش ممكن الواحد فينا يموت وهو بيسمع اغاني؟؟؟ او بيعمل اي حاجة غلط؟؟ وقتها هنستفيد ايه من الكلام دا وهيفيدنا ايه اتعاظ هيفا واحنا مش متعظين

    ياريت نبص لنفسنا وانا منكم الاول ونصلح من نفسنا وبعد كدا نشوف هيفا

     
  • At July 2, 2007 at 7:14 AM, Blogger gohayna said…

    بصي يقي
    انا لسه فيه معلومه وصلاني حالا عن الموضوع دا

    سمعت والله اعلم

    انها كانت زمان متجوزه حسن نصر الله
    وكانت محجبه
    وجابت بنت منه

    وبعدين طلقها

    واشتغلت موديل في الاغاني والاعلانات

    وهكذا حتي وصلت للي هيا فيه دا
    وبعدين
    هو عايزه يصفيها

    ودا السبب الرئيسي للحادث

    طبعا انا عن نفسي مش مصدقه الكلام دا

    بس انا عرفته

    بس كدا يا ستي علي الله تتعظ بقي

    تحياتي

     
  • At July 4, 2007 at 12:01 AM, Blogger نورهان مفيد said…

    نهلة
    أنتيمتي الغالية
    طبعا يارب كلناتكون نهايتنا نهاية صالحة يارب
    ربنا يهديها ويهدي الجميع

     
  • At July 4, 2007 at 12:03 AM, Blogger نورهان مفيد said…

    أبراهيم باشا
    عندك حق دول لو بيأثروا فعلا في المجتمع فتأثيرهم عكسي وبيرجعونا لورا
    وهما حاسين وواثقين ؟أنهم ليهم دور فعال

    ربنا يهدي

     
  • At July 4, 2007 at 12:03 AM, Blogger نورهان مفيد said…

    دودي الجميلة
    نورتي ياقمر
    ويارب فعلا تتعظ
    ويارب يحسن ختامنا جميعا

     
  • At July 4, 2007 at 12:04 AM, Blogger نورهان مفيد said…

    عمرو غريب
    مش معني أني بقول أنها يارب تتعظ أننا فرحانين فيها
    لالالالالالالالا
    اللهم لا شماتة
    وربنا يهدي

     
  • At July 4, 2007 at 12:05 AM, Blogger نورهان مفيد said…

    عابرة السبيل
    يظهر أن كلامي موصلكيش صح
    أنا مش بحاسبها ولاأنا ربنا عشان أول ده
    بس أكيد تعليق محمد مفيد ومهند
    فيهم اللي أنا أقصده بالتحديد

    ونورتيني
    وشكرال علي التواصل وسرعة الرد

     
  • At July 4, 2007 at 12:06 AM, Blogger نورهان مفيد said…

    أستاذي العظيم
    محمد مفيد
    ههههههه
    عجبني التعليق مووووت
    وحلوة الواو مش يح
    ما أنت متابع أهه

     
  • At July 4, 2007 at 12:07 AM, Blogger نورهان مفيد said…

    wahed
    كفانا الله جميعا
    وربنا يهديها ويهدينا
    محدش معصوم من الخطأ

     
  • At July 4, 2007 at 12:08 AM, Blogger نورهان مفيد said…

    ضوء القمر

    ياااااااااااااه حمدالله
    علي السلامة أنتي كنتي فين يابنتي
    وطبعا عندك حق الموت بيجي كده في لحظة
    وربنا يحسن ختامنا جميعا

     
  • At July 4, 2007 at 12:09 AM, Blogger نورهان مفيد said…

    شريف فهمي
    مافيش فايدة
    ربنا يهديها
    وطبعا هشوف وأعلق أكيد

     
  • At July 4, 2007 at 12:10 AM, Blogger نورهان مفيد said…

    شيرين
    والله معرفش حسيت ان أنتي أول ماقريت التعليق والله العظيم نورتيني
    ومتتأخريش عليا تاني ابداااااا

     
  • At July 4, 2007 at 12:11 AM, Blogger نورهان مفيد said…

    أستاذي محمد مفيد
    مرتين وعلي بوست واحد
    أنت بتعوضني بي عن البوست اللي فات

    وشكرا طبعا للتوضيح
    بجد وضحتلي الصورة
    أما عن الحرب ورأيي في المدونة قأنتظر ردي عندك قريبا

     
  • At July 4, 2007 at 12:13 AM, Blogger نورهان مفيد said…

    مهند
    بجد بتعليقك وصلت
    للي أنا عايزة أوضحه طبعا كلنا بنغلط
    بس عمر غلطاتنا ما بتتساوي أبدا ببعضها
    ومحدش فينا معصوم من الخطأ
    وربنا يهدينا جميعا

     
  • At July 4, 2007 at 12:14 AM, Blogger نورهان مفيد said…

    أسراء
    بتحلفي ليه أنا مصداقي
    بصي ياقمر
    لازم عشان تصدقي أنك غلطانة أنك تكوني من جواكي مقتنعة أنك غلطانة عشان تتغيري
    غير كده يبقي عمر الواحد ما هيتغير وهي لو شايفة انها بتنفع كده دينها
    يبقي في أنتظار الانيل والانيل قريبا

     
  • At July 4, 2007 at 12:16 AM, Blogger نورهان مفيد said…

    أم عهد
    أبو عهد

    منورني دايما
    لسة في سريرها في المستشفي وبتقول هقوم وأكمل
    وقال أيه الف شكر لربنا

    عليه العوض

     
  • At July 4, 2007 at 12:16 AM, Blogger نورهان مفيد said…

    أحمد طاهر
    أيه النور ده
    حمدالله علي السلامة
    ولا يهمك
    ربنا يوفقك يارب ويجعلك الخير دايما في طريقك
    وسلامي لعمر

     
  • At July 4, 2007 at 12:18 AM, Blogger نورهان مفيد said…

    وعد العيون
    فعلا لو حصل ده هيكون ليه تأثير كبير حتي علي عشاقها
    يمكن يتغيروا للاحسن
    اللي بيحب حد بيعمل زيه

     
  • At July 4, 2007 at 12:19 AM, Blogger نورهان مفيد said…

    ومن الشباك
    طبعا أنا مش قصدي أقومها ولا جاية بالبوست أصلح سلوكها

    أنا بس بتكلم علي العظة من الموت

    مش لهيفاء لوحدها ولينا كلنا

    نورتيني

     
  • At July 4, 2007 at 12:20 AM, Blogger نورهان مفيد said…

    جهينة
    في الاول خليني أسلم واعرف ايه الآخبار
    وبعد كده تصدقي بجد ضحكت لما قريت

    والنبي ده كلام
    أنتي رديتي أنتي مش مصدقة ولا يمكن حد يصدق

    ربنا يهدينا جميعا

     
Post a Comment
<< Home
 
About Me
Name: نورهان مفيد
Home: cairo, Egypt
About Me:
See my complete profile
عبد الله & عهد
    دعوه فرحهم
ناس جامده جدا
اللي شرفوني
قول اللي في نفسك

نادي القرن
    نادي القرن

بصيص حديث
بصيص قديم
Template by

محمد مفيد