Thursday, April 19, 2007
ياعيني عليك يامصري
(وليد محمد شعلان)
المصري الوحيد في مجزرة جامعةفيرجينيا بالولايات المتحدة الامريكية
طالب متفوق من محافظة الشرقية تخرج من كلية الهندسة وحصل ع الماجستير لينتقل الي الدكتوارة
وبالفعل بدأ وليد في تحضير الدكتوراة في جامعه القاهرة ليحصل علي منحة من جامعة فيرجينيا للتكنولوجيا بالولايات المتحدة لعمل الدكتوراة
وبدأ وليد في عمل الدكتوراة هنا بالقاهرة وهناك بالولايات المتحدة
ونظرا لتفوقه تم تعيينه من قبل الجامعة مدرس مساعد بنفس الجامعة

وطبعا كلنا عارفين امريكا وقدرتها علي استغلال المتفوقين وتسخير علمهم وذكائهم لمصالحها ورغباتها الشخصية
قتل وليد علي يد شاب كوري يبلغ من العمر23عام
يقال انه قبل الحادث كان علي خلاف عاطفي مع خطيبته اصابه الخلاف بحالة من الجنون المؤقت(الحب بهدلة بقي ولاايه)فقام باطلاق النار علي الطلبة في الجامعة ليقتل 32طالب ويصاب20 طالب

حادثة هزت امريكا باكملها من أقصاها لآدناها كما يقولون واعادت اليهم احداث11سبتمبر
لتخرج المحطات الفضائية الامريكية والجرائد وكل وسائل الاعلام الامريكية لتتحدث عن 31 طالب راحوا ضحية الحادث

طيب كده ناقص واحد محدش جاب سيرته ولا اشاره عنه ولا حتي اتقال اسمه
عارفين مين؟؟؟؟؟؟
ومع انها مش محتاجة سؤال طبعا هو وليد المصري الوحيد اللي محدش سمع عنه في امريكا ولا اتعرف انه قتل ولا اتقال اسمه مع الطلبة اللي ماتوا

ويتقال اسمه ليه ما خلاص مات ومبقاش ينفع امريكا في حاجة ولا هيفيد الجامعة ولا هيدرس لطلابها يبقي خلاص مش مهم
يعني عادتها ولا هتشتريها جنبك ومعاك طول ماليها مصلحة
للدرجة دي احنا مالناش قيمة عندهم؟
للدرجة دي المصري مهان ومهمش برة بلده؟
وأرجع واقول اذا كان المصري في بلده مهمش ومتهان ومتغرب مع انه وسط اهله
لما جوة داره ومتهان هيحترم برة داره

تعالوا نتخيل كده لو كان بعدالشر عننا طبعا
الحادثةدي حصلت هنا في مصر واللي ماتوا كلهم مصرين وواحد بس كان امريكي
لك ان تتخيل بقي؟
كنا لبسنا حداد3 ايام علي الامريكي مش المصري
وكانت بقي برقيات الاعتذار والتعزية اشتغلت رايحة جاية
عشان ده امريكي والمصري هيجي ايه جنب الامريكي

مات وليد ومحدش حس بيه ولا حد هيحس بيه
مات عشان يعرفنا ان كل حاجة في الدنيا بتغلي وتولع
الا المصري بيرخص وبيهمش

ياعيني عليك يامصري متهان برة وجوة
posted by نورهان مفيد @ 3:16 AM  
15 Comments:
  • At April 19, 2007 at 4:23 AM, Anonymous hima(SHETOS) said…

    اذا كان المصري مهان في مصر مش هيكون بره كمان مهان لو كان للمصري كرامة في ارضه كان من الممكن يكون له كرامة بره وفي ناس كتير زي وليد ماتوا دون ان يدري احد ولكن الموسف انه كان احد علماء مصر وحرام بجد هي البلد فيها كام عالم علشان كل يوم يموت واحد زي علماء الطاقة النووية اللي كل مرة عالم مصري يظهر بشئ جديد كان يموت و محدش كان بيسمع انهم عرفوا من القاتل لانهم مصريين وليسوا يهوداو امريكان

     
  • At April 19, 2007 at 5:47 AM, Anonymous ميرو sniper said…

    بجد حرام لازم يكون في واقفة بس لازم البداية مننا اما بلنسبة لوليد فدى حاجة مؤسفة
    وده حال المصري دلوقتي بعد ما رخص وبقي ميسواش في نظرهم
    وزي مانتي قولتي المصري مهان ومحتقر في نظر الجميع
    واللي بجد عايز يعرف امريكا علي حقيقتها يشوف الحلقة الاخيرة من مسلسل
    عايش في الغيبوبة للفنان محمدصبحي هيشوف الحقيقة كاملة
    بوست جامد جداااااااا

     
  • At April 19, 2007 at 6:58 AM, Blogger مـحـمـد مـفـيـد said…

    المشكله فينا احنا
    احنا اللي رضينا نعيش تحت القمع تحت الذل
    كل يوم مهانه وأهانه

    بصراحه لم يذكر ان المصري ده لقي مصرعه
    وده ببساطه لاننا اصبحنا مهمشين فلاتنتظر احد ان يهتم بنا
    فلا فرق بيننا وبين اي احد ذكر او لم يذكر فالحاله سواء
    وطول ما احنا كده مش هيتغير حاجه خالص
    اللهم ارحمنا

     
  • At April 19, 2007 at 9:05 AM, Anonymous alaa mostafa said…

    دلواقتي انتي بتقولي ان المصري مهان في بلدة
    طيب ازاي احنا هنزعل علي المصري لما يكون متهان في الخارج او برة
    لازم نصلح من داخلنا الاول ماهو لوكان عدنا هنا العلم والمعرفة مكنش كل عالم مصري خرج برة
    احنا سو نظل جهلة

     
  • At April 20, 2007 at 6:53 AM, Anonymous hema(shetos) said…

    ظهر المعادن المصري في جامعة فيرجينيا حيث ذكر احمد شعلان: تحدثت الينا مجموعة من زملاء وليد، وقالوا لنا انه حاول الامساك بالطالب القاتل، الا انه افلت منه واطلق عليه رصاصتين، ثم مضى يطلق النار علي باقي الطلبة في قاعة الدراسة حتى قضى عليهم جميعا ثم عاد الى وليد الذي كان مصابا لكن لم يمت، واطلق عليه الرصاصة الثالثة التي اودت بحياته. هذا ما ذكره شقيق الشهيد المصري والله حرام فعل كل ذلك من اجل ان ينقذ الاخرين فيموت هو رحم الله ذلك الرجل

     
  • At April 20, 2007 at 10:50 AM, Anonymous ام عهد said…

    ان لله وان اليه راجعون
    البقاء لله انا بعزى كل شعب مصر على فقدان شاب زى وليد
    ولاهى العظيم انا قلبى اتحرق من الحزن على هذا الشاب وانا بشاهد العاشره مساءا وسمعت كلام زوجته كمان وهى بتقول وليد راجع فى صندوق وقلبى كان واجعنى كل مابشوف ابنه اللى لسه حتى مش عارف يقول بابا بس هنعمل ايه الموت علينا حق
    ولكن المؤسف فعلا واللى شعلل النار جوانا ان اشمعنا المصرى الوحيد اللى مازعوش عنه اى حاجه ولكن يانور احنا اللى عملنا فى نفسنا كده احنا اللى رخصنا نفسنا اووووووووى ولاقصى حد يبقه عاوزين حد يحترمنا ولاحتى يقدرنا انسى يانور
    واخيرا ربنا يصبر قلب اهلو وزوجتو وربنا يتولاهم برحمتو
    ام عهد

     
  • At April 20, 2007 at 12:07 PM, Blogger حائر في دنيا الله said…

    إذا كان المصري نفسه مهان داخل وطنه من نفس أبناء جلدته فمن الطبيعي والمتوقع أن يحدث له في الخارج، لأنهم عنصريين فقط تم تجاهل الشاب المصري، ولكن لأننا نحن العنصريين داخل هذا الوطن نكره الفقير ونحقد على الغني ولا نهتم بالمريض ونضرب الناجح ونقهر المجتهد ونسجن الحر

    ما حدث لم يدهشني كثيراً فلم أعد أدهش كثيراً هذه الأيام

    مع تحياتي

     
  • At April 21, 2007 at 4:00 PM, Blogger Nouran said…

    الاول مبرووك ع البلوج يا جميل وشكله هيبقى بلوج جامد

    ثانيا : فعلا مش عارفة ليه المصريين كده ملهمش قيمة بس مين اللي عمل فينا كده احنا عملنا كده بنفسنا ولا ميين ؟

     
  • At April 21, 2007 at 6:12 PM, Anonymous عصام على said…

    ازيك ياحبيب قلبى بوست جامد جدا
    انا فعلا مش عارف اكتب ايه ولا ايه بس المؤسف ان احنا اللى بنرخص نفسنا ومش عاملين قيمه لينا يبقه لازم الكل
    يخلينا على الهامش

     
  • At April 21, 2007 at 10:22 PM, Blogger نورهان مفيد said…

    هيما
    انت قولتها المعدن المصري ظهر وحسبي الله ونعم الوكيل


    ميرو
    وقفة مع مين ياستي صلي ع النبي هو حد حاسس بينا اصلا عشان يكون في وقفة


    محمد مفيد
    فعلا المشكلة فينا طول مااحنا ساكتين وراضيين يبقي المشكلة فينا واللهم ارحمنا


    علاءمصطفي
    نورتني اخيرا
    حمدالله ع السلامة ونورت

     
  • At April 21, 2007 at 10:26 PM, Blogger نورهان مفيد said…

    ام عهد
    حسبي الله ونعم الوكيل في اللي يتم طفل لسة ميعرفش حاجة في دنيته
    وزي ما قولتي ربنا يتولاهم برحمته



    حائر في دنيا الله
    عندك حق مافيش حاجة بقت تدعو للدهشة اليومين دول
    كل حاجة بقت مباحة ومتوقعة



    نوران
    الله يبارك فيكي والبلوج كله نور يانوران ونورتيني


    الباشا عصام علي
    عندك حق وهنفضل كده طول مااحنا مرخصين نفسنا

     
  • At April 22, 2007 at 5:34 AM, Blogger Ahmed taher said…

    نورهان
    هناك بعض المبوستات اللي بقف عاجز عن التعليق عليها لاني فعلا مبلاقيش الكلامات الي تقدر تعبر عن اللي عايز اقوله ...لاكن اعتقد اننا السبب الرئيسي في ضعفنا ...
    تحياتي لك وبنتظار مشاركتك لو تحبين عندي

     
  • At April 22, 2007 at 12:15 PM, Blogger نورهان مفيد said…

    ahmed taher
    طبعا احب اشارك في مدونتك مش عايزة كلام وبعدين ده شئ يشرفني ويسعدني كمان
    وكفاية انك نورتني ويارب تنورني كده علي طول

     
  • At April 24, 2007 at 10:11 AM, Blogger صاحب البوابــة said…

    دائما كان المصري مهان

    وسيظل كذلك

    ما دام يبقى تابعا لمن غيبوا عقله

    وادموا جسده بالسياط

    لا بد من التغيير في اوساطنا اولا

    تحياتي

    -------------------
    صاحب مدونة البوابة

     
  • At April 26, 2007 at 4:22 AM, Blogger نورهان مفيد said…

    صاحب البوابة
    اهلا بيك ونورتني
    وطبعا اكيد انا معاك تماما
    لابد من التغير
    بس مين بقي يسمع ويغير

     
Post a Comment
<< Home
 
About Me
Name: نورهان مفيد
Home: cairo, Egypt
About Me:
See my complete profile
عبد الله & عهد
    دعوه فرحهم
ناس جامده جدا
اللي شرفوني
قول اللي في نفسك

نادي القرن
    نادي القرن

بصيص حديث
بصيص قديم
Template by

محمد مفيد