من شهر ونصف تقريبا اشتركت انا والجروب بتاعي(اللي هما اصحابي)في جماعة الوعي الاثري والارشاد السياحي
وده بالاشتراك مع كليتنا كلية اداب قسم تاريخ والهيئه القوميةالتابعه للمجلس الاعلي للاثار
والجماعة دي كانت عبارة عن قورس فيه 6محاضرات بيدور احداثهم في اطار علاقة التاريخ بالاثار وده كان تحت
اشراف مجموعة من داكترة كليه اثارجامعة القاهرة وعين شمس ومجموعه من داكترةالقسم عندنا
وباعتبارنا قسم تاريخ والارشاد جزء مهم في شغلنا في المستقبل باذن الله متردنناش لحظة واشتركنا في القورسات
وكانت من اجمل التجارب في حياتي القورس كان عبارة عن مجموعه من المراحل
المرحلة الاولي المحاضرة وبعدها بنقدم تقرير صغنن عن اهم النقط اللي فهمناها من المحاضرة
المرحلة التانية وكانت عبارة عن مجلة بيشترك فيها 3 اشخاص بتناقش اي قضية بس تكون متعلقة بالتاريخ سياسية مصرية دينيه فرعونية
وان شاء الله هيتعمل معرض في الكلية وهيتم اختيار 3مجلات متميزين اصحابهم هيخادوا شهادات تقدير من الكلية ومن المجلس
ودي كانت من المراحل الجميلة اللي اجتمعنا كلنا فيها نناقش بعض في افكار المجلة نقترح نختلف ونفذنا في الاخر بدل المجلة3مجلات يارب تطلع واحدة منهم متميزة ياااااااااااااااااارب
المرحلة التالتة بقي دي اهم مرحلة بالنسبة لنا وهي مرحلة الزيارات الخارجية
وتعالوا بقي هخدكم كده في جولة لتتعرفوا علي
التاريخ كما يجب ان يكون
الزيارة الاولي كانت لمجمع الاديان بماري جرجس
وبدا اليوم بزيارة مس جد عمرو بن العاص
من الخارج
من الخارج
من الداخل
مساحةالمسجد من الداخل كبيرة جدااااااااا واضغط ع الصورة لتكبيرها
وبني
عمرو بن العاص المسجد642م وده كان اول مسجد ينشئ في مصروافريقيا
يجمع كل فنون العمارة من العصور المختلفة
بعد كده روحنا الكنيسةالمعلقة 
الكنيسة المعلقة دي بقي انشاوهافي القرن الرابع تكريما للعذراء مريم
وبعد كده روحناالمتحف القبطي
المتحف ده بقي فيه مجموعه اثار وفنون قبطية تحفةومن بينها مخطوطات مصورة تعكس تاريخ الحضارة القبطية
وبعد كده خدنا جولة حرة لفينا فيها حولين المجمع مش بعد الشر عشان نتفرج تاني لالالالا
كنا هنموت من الجوع ولازم نفطر وبعد طول انتظار عثرنا علي مطعم فول وطعمية وقمنا بالواجب
ودي كانت اول زيارة
الزيارة التانية كانت للمتحف المصري
انا عن نفسي لفيت نصه وهيست جامد
كبير جداا وجميل جداا واللي مش بيحب التاريخ والاثار هيزهق منه جداااااااااااا
ودي كانت الزيارة التانية
ولاحظت اد ايه احنا بنستخف باثار بلدنا جوة المتحف وبنتريق علي ادوات المصرين القدماء زمان و و
في الوقت اللي فيه السياح والاجانب بجد مبهورين وكانهم وقعوا في مغارة علي بابا والاندهاش والاستغراب علي ملامحهم كان مسيطر عليهم بشكل غريب
عملت عليكم مرشده سياحية بس يارب اكون نفعت
واستنوني بقي بعد الزيارات الجاية ان شاء الله
كان نفسي اجيب صور ميدانية حقيقية بس للاسف التصوير كان ممنوع
شكر خاص
لجروب اداب اللي كان معايا في الزيارات
واللي من غير حماسهم مكناش عملنا حاجة(مروة و صفية وامل وبثينة وشيماء وزينب واحمد وابراهيم وعبدالله)وشكراا
يا احلي جروب في الدنيا كلهااااااا
وسلام خاص لسارةونهلةونيرمين كان نفسي تكونوا معانا |
حلو أوى يا نور ممكن يكون أول محطات حياتك بس محطة حلوة مستنية المحطة الجاية أنتى عارفة وأنا عارفة هتبقي محطة رائعة بااااااااى