| |
| Thursday, May 10, 2007 |
| همتحـن وأرجــع علـي طـول |
فـاصل ونواصـل أو فـاصل ونعود بعد قليل
اختاروا الصيغة اللي تريحكم المهم أني همتحن وأرجع أن شاء الله تاني
ع الاقل أكون وحشتكم شوية كتير
بس أنتواأوعوا تنسوني وأدعولي أنا وكل اللي بيمتحنوا أننا نعمل كويس وتعدي علي خير
اسيبكم بقي وأقوم عشان خلاص مافيش وقت
هما كلهم علي بعض 8مواد
همتحنهم بسرعة بسرعة
وأرجع علي طول
باااااااااااااااااااااااااااااااااااي
متنسوش تدعولي بس بضمير
|
posted by نورهان مفيد @ 3:30 AM  |
|
|
|
| Sunday, May 6, 2007 |
| كل سنــــــــــة وأنت معـــــانـا |
 كــــــل سنة وأنت طيـــب ياأحلي عبداللـــــــــه
كـــل سنة وأنت معانــا
كـــل سنة وأنت عفريت ومجننا كلـــنا
وكل سنه وانت مدون قد الدنيا
عبدالله تـــــم سنتـيـن
سنتين من الشقاوة والعفرتة والجنان برضه
كل سنة وأنت طيب ياروح قلب عمتو
يااااااارب يابودي أشوفك حاجة كبيرة أوي تكبر وتفرح بابا وماما
بس أنا بقي هشتكيك للناس دي كلها
هقولهم أنك بتضربني وبتشدني من شعري وبتعضني
ده لما بتكون زعلان
لما بتبقي عايزني بقي أعملك حاجة بتيجي تتمسكن وتتحايل وتقولي عشان خاطري
بس والله علي قلبي زي السكر
كــــــــــل سنة وأنت طيب ويارب الايام الجاية كلها تكون مليانة خير وحب
ليك ولعهد وللجيل بتاعكم كله
وتحققوا كل اللي نفسكم فيه
كـــــــــــــــل سنــــة وأنــــــــت حبيـبــــــــــي
يا عبد الله |
| posted by نورهان مفيد @ 11:10 PM |
|
|
|
| Tuesday, May 1, 2007 |
| فضفضـة |
الوقت ده من كل تيرم بيكون ليه شكل مختلف
دلوقتي فاضل اقل من أسبوعين علي امتحاني ومن يوم مادخلت الكلية وكل وقت في السنة ليه شكل مختلف
وبرغم من أن الشهر اللي بيبقي قبل الامتحانات ده بيكون قلق وتوتر عشان الامتحانات ومش بس كده انا كمان بنام كتير جدا والله بيبقي غصب عني بحس فجأة اني هيست وعايزة أنام وبيبقي نوم هروب بس هعمل أيه لما بتطلب نوم بيبقي خلاص ولا شاي بقي ولا قهوة ولا مشاريب الدنيا تفوقني
بس الشهر ده بيكون حاجةتانية خالص بيبقي جد أوي خلاص الجروب كله بيحس ان مافيش وقت للهزارولازم نذاكر
ومن هنا بنبتدي نتفق أننا نسهر مش مهم نذاكر أيه كل واحد مننا يذاكر اللي عايز يذاكره
المهم أننا نكون سهرانين وبنشجع بعض
وبيبقي جمال الفترة دي في كده كلنا بنذاكر كلنا عندنا هدف وعايزين ننجح
ويمكن لأني طول الوقت لوحدي وده طبعا لأني أخرالعنقود بقي وأخواتي كلهم أتجوزوا
فتلاقوني بميل لأي حاجة فيها ناس كتير
يعني مثلا مش مهم أخرج فين المهم يكون معاياأصحابي يكون معايا جروب وناس كتير
أحب أروح رحلات و أشترك في كورسات المهم أكون وسط ناس
فالوقت ده كلنا بنكون سوا مع بعض حتي أصحابي اللي مش في نفس الكلية
بنتفق ونسهر ونرن لبعض ع الموبيلات
وطبعا مش بقينا بننزل الجامعة كتير ولما بننزل بيبقي معظم كلامنا برضه عن المذاكرة والمحاضرات والملغي والمقرر
جو كده جميل مختلف
وأنا بطبعي بميل لكل حاجة مختلفةعن الروتين المعتادكل يوم والجو ده
مش بيحصل غير كل تيرم ويمكن تكون لمتنا دي هي اللي بتقلل من التوتر لاننا بنطمن بعض وبنكون كلنا يد واحدة
بجد أنا مش عارفة من غير الجروب بتاعي ده كان ممكن يحصل أيه
من أجمل الحاجات اللي في الدنيا يكون في أصحاب بجد
في زمن بقت الكلمة دي فيه قليلة أوي
يارب بس يحققوا كل اللي نفسهم فيه ونفضل مع بعض علي طول
كفاية بقي أقوم أذاكر
أنا قولت أريح شوية وأشوف أخبار البلوج
وطبعا ماينفعش أدخل ألا أما أكتب
رغاية بقي تقولوا أيه؟ |
| posted by نورهان مفيد @ 10:45 PM |
|
|
|
|
| About Me |
Name: نورهان مفيد
Home: cairo, Egypt
About Me:
See my complete profile
|
| عبد الله & عهد |
|
|
| ناس جامده جدا |
|
|
| اللي شرفوني |
|
|
| قول اللي في نفسك |
|
|
| نادي القرن |
|
|
| بصيص حديث |
|
| بصيص قديم |
|
|
|
| Template by |
|
|
|
