Tuesday, February 26, 2008
صــدمـــةعــصــام الــحضري
ياخـــســـارةياحــضــري
ضـيعــت تـــاريخك
و
خــســـرت جــمهــورك
و
مــوت فـــرحــتنا
و
بــجــدمــاكنـش الــعــشــم يـاحـــضــري
posted by نورهان مفيد @ 2:07 PM   15 comments
Friday, February 22, 2008
نــهــلة و يــاســر أحــلــي عــروســين
نـــــهــــلـــــة و يـــــاســــــــــــر
قـصـة حب جميلة مش طويلةأوي لكن صادقةأوي
ودةالآهم بدأت بالخطوبة وبأذن الله هتكمل بالجواز
وتعيش وتستمر العمر كله
أمبارح كان خطوبة أختي وصاحبتي الآنتيم نهلة
كان يوم مهما وصفت أحساسي فيه كان أزاي مافيش ولا كلمة تقدر تعبر عن اللي جوايا
ياريتها كانت بس مجرد صاحبتي لكن دي حد أحترت في مشاعري معاه
بحس أنها أمي لما ببكي في حضنها وأنا مضايقة
وأختي اللي مقدرش أخبي عنها حاجة
وصاحبتي اللي بلاقيها جنبي في حزني قبل فرحي
ومرايتي اللي بتعكسلي عيوبي وأخطائي
وأبويا في قلقه وخوفه عليا
ياااااه مهما وصفت هي بالنسبة لي أيه هظلمها لاني عاجزة عن أني أوصف
شعوري وأحساسي ناحيتها
أمبارح قضيت اليوم كله معاها كانت متعتي في كل تفصيلة في اليوم
بداية من لبسها وتجهيزها لمكياجها وزفتها
لفرح جميل كان فيه كل أصحابنا واللي كانوا فرحانين من قلوبهم بجد
حبيت أنزل أول صورة دي للحيطة اللي قعدنا نزوقها بأيدينا
قبل الفرح عشان تكون خلفية للكوشة وأد أيه علي قد بساطتها
علي قد ما خدت وقت طويل
ساعات من الفرحة اللي بجد اللي مش كتير بنعيشها
حبيت بالبوست ده
أعملها حاجة بسيطة تعبر لها عن فرحتي وحبي ليها
وبقولك يا نهلة بجد
أنا بشكر ربنا كتير أوي عشان رزقني بأخت زيك وأصحاب كتير كويسين وبحبهم أوووووي
وعمري ما حسيت معاهم غير أنهم أخواتي وقلبهم عليا دايما
ومع أن ده بقي صعب في زمنا ده
بس أنا مش مستغربة ده لآن أحنا كلنا بنحب بعض بجد
والدليل وقفتنا كلنا أمبارح جنب نهلة في لحظة من أهم لحظات حياتها
ألف مليون مبروك يا حبيبة عمري كله
وياااارب ألبسك الفستان الآبيض بأيدي
زي فستان الشبكة كده ياااااارب
وأشوفك أنتي وياسر
أسعد زوجين في الدنيــــــــــــا
posted by نورهان مفيد @ 1:58 PM   13 comments
Monday, February 11, 2008
لوسألتك أنت مصري تقولي أيه؟؟؟؟
قــولي مصري وبن مصري وبن مصر
الله عليه
قـــولـها بأعلي صوت وأرفع راسك لـفوق
أنــــــــــا مصري وأبــــــــويــة مصري
بسماري ولوني مصري وكل مصري
الله عليه
ملوك الجدعنة ودي حاجة في طبعهم
وعشقاهم أنا وأتمني حبهم
شربت من نيلها مــــــــصــــــــــر
وقلبي حنيلها مـــــــــــصـــــــــر
وقولت أغنيلها غنوة محبة وفرح
يـــــــــــــااااااااارب تــحميها
يـــــــــــــــــااااارب خليها
أنصــــــرهــا عــــلـيها وأحميها من كل شر
قولها بأعلي صوت وأرفع راسك لفوق
أنـــــــامصري وأبــــــــوية مصري
وكـــــل مصــــري الله عليه
طبعا البطولة دي قبل ما تكون لمصر فهي لروح عبدالوهاب
اللي أتنسي في وسط الفرحة دي ويارب كل أيامنا فرح وأنتصارات
ومصر دايما الاولي بشعبها وأبطالها وتاريخها وانتصارتها
وبجد بجد كانوا كلهم رجالة أثبتوا أن مصر قادرة للدافع عن اللقب للعام الثاني علي التوالي
لنخرس جميع الآلسنة اللي شككت في أحقيتنا لها السنة اللي فاتت
وأتحججوا بالآرض والجمهور
مبروووووووووووووك
لكل مصري من حقوا دلوقتي يفتخر بمنتخب بلده وبلده مصر
posted by نورهان مفيد @ 4:13 AM   6 comments
About Me
Name: نورهان مفيد
Home: cairo, Egypt
About Me:
See my complete profile
عبد الله & عهد
    دعوه فرحهم
ناس جامده جدا
اللي شرفوني
قول اللي في نفسك

نادي القرن
    نادي القرن

بصيص حديث
بصيص قديم
Template by

محمد مفيد